مساء الخير
مالاي كفته ماتختلف في مكوناتها او مقاديرها عن باقي الأطباق الهندية، يعني اللي حاب يغير عن تشكن بتر او تشكن ماسالا يجرب هالطبق
فكرته قطع كفته متبلة و مطبوخة في صوص كريمي، انا افضل تستخدمون الزبادي بدل الكريمه، لآن ماحبيت الكريم لا طعما ولا قواما و بالنهاية حسب المتوفر و ذوقكم
المقادير تكفي لشخصين بإمكانكم تضاعفون الكمية لو زاد عدد الأشخاص
—————-
المقادير:
ربع كيلو لحم غنم مفروم
م ص كركم
م ص بهار الجارام ماسالا
م ص فلفل احمر بودرة
م ص زنجبيل و ثوم مهروسين
م ص ملح
مقادير الصوص:
بصل متوسطة الحجم مقطعة جوانح
١ طماطم كبيرة مقطعة مكعبات صغيرة
٣ م ك معجون طماطم
م ص ثوم و زنجبيل مهروسين
م ص كمون حب
٣ حبات هيل
م ص كركم
م ص بهار الجارام ماسالا
م ص فلفل احمر بودرة
نص كوب كريمة الطبخ او نص علبة زابادي بدرجة حرارة الغرفة
ملح – الكمية حسب الذوق
————————————
نخلط مقادير اللحم المفروم مع بعض و نكورها
نضيف زيت في المقلا و نحمر الكفته لمدة ٥ دقايق
نشيلها على جنب وفي نفس المقلا نشيل اي بقايا من اللحم و نضيف زيت زيادة اذا يحتاج و نشوح البصل مع البهارات الحب لين البصل يتكرمل
نضيف باقي مقادير الصوص ماعدا الزبادي و نتركه يتسبك على نار هادية لمدة ٥ دقايق
و نطحن الخلطة راح يكون قوام مثل المعجون
نرجعه للمقلا ونضيف عليه بيالة شاي موية حاره ونقلب لين يخف قوامه بعدين نضيف الزبادي او الكريم و آخر شي الكفتة ونقفل الغطا نخلي الكفتة تطبخ مع الصوص لمدة ٥ دقايق عشان تتعزز النكهة
لو حسيتوا طعم الصوص حامض ضيفوا سكر لين يضبط الطعم
و نضيف الملح بالأخير و نقلب و نقدم الكفتة مع خبز نان او أرز
و بالعافية
Comments (2)
شكرًا على الطبق الجميل 😊
هل ضروري يكون نوع اللحم المفروم غنم أو ممكن استخدم لحم بقري أو لحم مخلوط بقري مع غنم ؟
هو في الأصل غنم بس انتي اختاري الانواع حسب ذوقك