مرحبا

امممم اتوقع ان هالوصفة سهلة مايبيلها جهد بس حلو اننا نقدمها بشكل جديد ..و بهذا الشكل اللي انا سويته اعتبره شبه وجبة كاملة و تشبع في حالة لو كان وقتكم مضغوط ممكن تسوونه مع طبق ثاني وراح يكفي..

انا اخترت نوع خبز إيطالي اسمه ميلانو بالطماطم المجففة تلقونه داايم بالدانوب  او بن داوود ولكن اي خبز بنفس الشكل يؤدي الغرض

و انواع الأجبان اي جبنة تذوب مع الحرارة استخدموها لو فيه نوع جبن في بالكم تخلطونه مع الموزاريلا او تسوون مكس اجبان عادي يعني

المقادير :

1 خبز إيطالي 

50 جرام زبدة مذوبه

1 فص ثوم مهروس ناعم

كوب ونص جبنة موزاريلا مبشورة مخلوط معاها نص م ك اوريغانو ناشف

كمية الجبن مو مرا كثيره في الخبز لو حابين تضيفون كمية جبن اكثر فلكم الخيار

مقادير صوص الطماطم

كوب ونص طماطم مطحونة ..أو علبة طماطم مقشرة مع عصيرها مطحونه 

م ك معجون طماطم

نص بصل صغير مفروم ناعم

م ص ثوم بودرة

م ص بصل بودرة 

م ص اوريغانو ناشف

م ص ريحان ناشف

م ص سكر 

م ص خل ابيض

ملح و فلفل اسود و الكمية حسب الذوق..

—————————————————–

اول شي نسوي الصوص..نحمس البصل بزيت زيتون لحد مايذبل مرا بعدين نضيف معجون الطماطم ونقلب لمدة دقيقة تقريبا و نضيف الطماطم المطحونه وباقي المقادير ماعدا الملح وا لفلفل الأسود

ونخليه على نار واطية مرا لمدة من 5 ل 8 دقايق لحد مايصير قوامه ثقيل..آخر شي نضيف الملح

و نتركه على جنب لحد مايبرد

نذوب الزبدة  بعدين نصبها في صحن صغير ونضيف عليها الثوم المهروس ونخلطه و نتركهم لمدة 5 دقايق قبل الاستخدام

نقطع الخبز على شكل شبكه نبدا بخطوط مايله على الجنب  بس نوصل لحد القاعدة ومانقطعها

و  الجهة الثانية نسوي خطوط عكس الخطوط الأولى 

و ندهن داخل الخبز بالزبدة و الثوم..حاولوا في كل الجهات عشان لا ينشف الخبز من غير الزبدة

بعدين نحشيها بالجبنة 

و نغلف الخبز بقصدير ..بس خلوا التغليف فضفاض هههههههه 

و ندخله الفرن لمدة 15 دقيقة تقريبا لحد مايذوب الجبن بعدين نشيل القصدير و ندخل الخبز يتحمر من فوق لمدة 5 دقايق ويقدم فورا

و بالعافية