مساء الخير

اللي متابعني من اول يعرف انا قد اييش اعشق الأكل المغربي, من المقبلات للأطباق الرئيسية للحلويات كلها لها تاريخ و قصة وثقافة الأكل مميزه في المغرب ولها ستايلها الخاص مو موجود في أي مطبخ عربي ثاني..

في الأطباق المغربية صعب تتعلم من النت او الكتب مش زي لما تتعلمها من اهل المغرب نفسهم ..وهذي حصلت لي في طبق الكسكس لي فترة اجرب لين حسيت اني اتقنته وصرت اتفاخر  بين الناس  وفرحانه اني ضبطته خخخخخخ لين قابلت صديقة مغربية وجلسنا نتناقش في الأكلات المغربية عرفت ان الكسكس له مبادئ واساس في اختيار المقادير حتى نوصل لطعم الكسكس الأصلي..

هذي سالفة يبيلها تدوينه خاصة بعدين نتناقش فيها  مع طريقة الكسكس ههههههههه

طيب خبز البطبوط او المخمار او البوخمار..خبز مغربي يجي بحجم كبيراو صغير (ميني) مثل ماسويته..و للحشوات من خلال بحثي و سؤالي لاحظت ان يحبون يحشونه بالتونه و الطرق متشابهه..

بس انا حبيت اسوي شي على طريقتي و حشيته بالدجاج بتتبيله ونكهه ماطلعت عن المطبخ المغربي..وان شاء الله تعجبكم

المقادير:

4 صدور دجاج مقطعة مكعبات صغيرة

نص حزمة بقدونس وكزبره مفروم ناعم

3 فصوص ثوم

م ص زنجبيل مبشور ناعم

2 م ك عصير ليمون

م ص كمون

م ص كزبرة ناشفة

نص م ص قرفة مطحونة

م ص كركم

ملح و فلفل اسود

خبز البطبوط:

250 جرام دقيق ابيض = كوبين

100 جرام سميد رقيق او ناعم = كوب

م ص ملح

م ك خميره

تقريبا كوب و ثلثي كوب ماء دافي للعجن

لدهن الخبز:

نص كوب مايونيز

م ص ماسترد

—————————————————-

تتبيلة الدجاج:

بعد مافرمنا البقدونس و الكزبرة بالسكين ..على الهاون ندق الثوم و الزنجبيل مع بعض بعدين نضيف معاهم البقدونس و الكزبره و البهارات – (كزبره و كمون فقط و الباقي بعدين وقت الطبخ) و عصير الليمون و ندق بالهاون  لين تتكون عندنا تتبيله 

نتبل الدجاج و ندخله الثلاجة ليلة كاملة قبل الطبخ

في اليوم الثاني نطلع الدجاج قبل الطبخ ب 30 دقيقة..نسخن المقلا مع 2 م ك زيت زيتون..نحط الدجاج و نقلبه ونضيف باقي البهارات من كركم و قرفة..لين قرب يستوي ماتاخذ 10 دقايق لأنها قطع صغار و بسرعة تستوي نضيف الملح و الفلفل الأسود.

طريقة الخبز:

انا استخدمت السميد الرقيق (مستورد) مو حق البسبوسة ! غالبا تلقونه في دانوب النهضة بجدة 

اذا ماتوفر تقدرون تستخدمون دقيق البر بديل..

نخلط الدقيق الأبيض و السميد و الملح مع بعض و نصب الموية و نعجين لين تتكون عجينة ناعمة وطرية..وندهنها بشوي زيت ونغطيها ونتركها يتضاعف حجمها تقريبا لمدة ساعة ..

نقسم العجينة لكورتين يصير نشتغل على وحده ونغطي الثانية عشان لا تنشف..

نفردها لسمْكنحيف ونقطعها بالقطاعة الدائرية او بالكاس لدوائر و نحطها بصينية مرشوش عليها دقيق و نغطيها بمنشفة مطبخ او اي قماش

و بعد مانخلص كل الدوائر نغطيها كويس ونتركها تتخمر لمدة 20 ل 30 دقيقة..

نسخن الصاج و نحمر الخبز على الجهتين..بالعادة ماياخذ وقت تقريبا دقيقة بكل جهة لين تحسون انتفخت وحمرت

هي راح تصير اقراص صغيرة و منفوخة يصير نفتحها بالسكين نص دائرة و ندهن بالصوص ونحط خس و خلطة الدجاج

ملاحظة:

الأفضل تسوون الخبز بنفس اليوم او قبلها بيوم بالكثير..كل ماكان فرش يطلع اطعم

و بالعافية