المقادير
400 جرام جبنة فيلادلفيا أو اذا كنتوا في الخارج استخدموا جبنة مسكربوني لأن بالشرق الأوسط سعرها جداغالي
100 مل كريمة الخفق
نص كوب سكر
ربع كوب قهوة نسكافيه او اسبريسو
كاكاو بودرة
بسكوت للتيراميسو وهذا نوعه
كمية قهوةعشان نغمس البسكوت فيه
—————————————————
نخلط الجبنة و الكريمة و السكر و القهوة بخلاط الكيك حتى تندمج المكونات مع بعض
أول طبقة نغمس البسكوت بالقهوة بسرعة و بعدين نرصها على صينية
ونصب نص الكمية من الخلطة
وبعدين نكرر طبقة البسكوت
و آخر طبقة نص كمية الخلطة الباقية
وندخله الثلاجة لمدة ليلة كاملة او 6 ساعات
وبعد مانطلعه نرشه بكاكاو من فوق
Comments (18)
عزيزتي
لما خلطت مقادير الصوص … صار فيها حبيبات بيضاء!! ما ادري شو السبب و كل الاغراض سليمه … فيلاديلفيا .. سكر .. كريمة خفق .. نسكافيه …
كملت التيراميسو و الحين بالثلاجه
و بدل الشوكلت البودره حطيت جاناش كان جاهز عندي
شكلها كانت جبنة فيلادلفيا بااردة ؟؟ بس ماراح يبان ان شاء الله تعجبك
صح كانت بارده … و لكن بداية الخفق كانت ناعمه الخلطه و جيت و زدت سرعة الخفاقه … وصار اللي صار … بس في لنهايه طعمها جميل …
تسلم يدك
ايه حاولي اي شي كان بالثلاجة تطلعينه من بدري ماعدا كريمة الخفق تكون باردة …بالعافية حبيبتي 🙂
وين القى بسكوت التراميسو ؟
بهايبر بنده ولا الدانوب ازين ؟
شكلها سهله ولذيذه
دايم ألاقيه في بنده دوري في الاثنين لين تحصلينه هههههههه هو مؤ متوفر دايم يتعبني
ينفع استخدم حق الاطفال
ولا مايطلع زين ؟
والله ماجربت بس ممكن ينفع و يؤدي الغرض 😜
ماشالله تجنن.
انتي كاتبة يخلط الجبن والكريمة والسكر والقهوة،
مو كاتبة كم كمية القهوة بالمقادير ،
ياليت حبيبتي توضحين لي وشكرا من الأعماق🌹
إلا حبيبتي كاتبه في المقادير ربع كوب قهوة عادية او اسبريسو بس يمكن ماانتبهتي 😊
امممم
توني اشوف انك كاتبة كمية للتغميس. يعني ربع الكوب قهوة هي اللي مع الوصفة صح؟!
طيب القهوة حبيبات او مذوبة بموية؟! واي نوع أحط؟!
عندي نسكافيه القولدن و الكلاسيك
وشكراً مرة ثانية💕
يا انك تسوين اسبريسو أو تذوبين قهوة بموية اللي يريحك واحب طعم لك
معلش انا تلخبطت😪،
يعني ربع كوب قهوة عادية تقصدين فيها سائلة أو حبيبات ؟!
هههههه لا عادي
جيبي قهوة ذوبيها بموية و خذي منها مقاس ربع كوب 😊
مساء الخير💓
شيف عندي ملاحظات بستفسر عنها إذا تكرمتي:
لما كنت أغمس البسكوت بالقهوة يشرب بسرعة مو طبيعية طبعاً كانت حركة يدي جدداً سريعة وبالتالي طلع ذايب اللسكوت
هل هذا صحيح؟!
يعني ربع كوب قهوة ذوبتها تقريباً بكاسين كباار موية ويالله كفت😒
لما قطعتها لقيت شويييية موية بصحن التقطيع تحت التراميسو هل هذا عادي؟!
وتقريباً ما بانت تقسيمات البسكوت عند التقطيع…
يعني كل استفساراتي عن طريقة التغميس وكمية الموية 😄
وشكراً على رحابة صدرك😘
اوكي القهوة صبيها في صحن بحيث مايكون عميق مثل صحن الشوربة تكون طبقة مسطحة مدري اذا فهمتي قصدي أو لا 😊 لان البسكوت يمتص بسرعة فنبغى الكمية اللي يمتصها قليلة و نقلب في السائل على الجهتين بشكل سريع.. كان فيه موية لأن البسكوت امتص سائل كثير..
بالنسبة ليش مابان البسكوت حاولي لما توزعين طبقة البسكوت على الأطراف تكون ملاصقة تماما لحواف الصينية اللي سويتي فيها.
السلام عليكم حصه
الان الوصفة الاساسية فيها صفار بيض
ايش الافضل بدون او مع ؟
اي الوصفة الأساسية فيها بيض..حسب ماتحبين فيه ناس ماتفضل تضيف البيض