الوصفة هذي للمبتدئين في الماكرون وهي من أسهل الوصفات و مقاديرها موجودة في ألف موقع
بس انا هدفي تعليمي في الماكرونز خصوصا قبل الوصفة نفسها
و أيضا قبل ماادخل في الطريقة فيه اشياء لازم تتوفر
1- المنخل
2- الأكواب لأن في هذي الوصفة راح اعتمد على الأكواب
3- استخدموا في الخلاط النوع اللي حاطته في الصورة عند خفق بياض البيض أو اذا ماكان متوفر الخلاط الكبير استخدموا اليدوي يؤدي الغرض
4- الملعقة الخاصة للخبْز للتقليب ضروري هذا النوع أو نوعية تشبهله
5- ورق مشحّم أو ورق زبدة
—————————————————
المقادير:
3 بياض بيض بدرجة حرارة الغرفة من 24 ساعة
كوب سكر بودرة
ربع كوب سكر ابيض ناعم الحبيبات
كوب لوز مطحون
ربع كوب كاكاو بودرة
——————————
الحشوة:
كوب و ربع شوكولاته شبه محلاة من هيرشي
ربع كوب كريمة الخفق
——————————–
أول شي راح ننخل السكر البودرة و اللوز لحال اذا كان فيه تكتلات نشغل عليه خلاط الكيك لأقل درجة لمدة دقيقة عشان تفك معانا
و لما ننخل خصوصا في اللوز راح تلاحظون مو كله راح ينزل من المنخل فيه جزء منه مو مطحون كامل يصير نرجع مرا ثانية نحط زيادة وننخل
ونقيس اللوز اذا ماوصل لكوب ارجعوا انخلوا زيادة لحد يصير كوب بالتماام
و الكاكاو ينخل بعد
و بعد مانخلنا اللوز و السكر البودرة و الكاكاو لحالهم
نرجع ننخلهم مع بعض بس نصيحة مو كل الكمية تنخلونها راح تتناثر انخلوا على دفعتين لحد ماتصير مثل حبيبات الرمل بهذا الشكل
نخليه على جنب و نسوي الميرانغ
و اللي راح نستخدمه الميرانغ الفرنسي مايحتاج نسوي سيرب
طبعا مثل مانبهت لازم يكون البيض بدرجة حرارة الغرفة و نكون دقيقين لما نفصل الصفار عن البياض
لأن لو البياض فيه نقطه من الصفار راح يطلعلنا الميرانغ مثل كذا لو نخفقه يوم كامل مافي فايدة
عشان كذا اغلب الأخطاء اللي تصير الماكرون يصير سائل بسبب عدم جمود الميرانغ
بعد مافصلنا البياض نبدا نخفق فيه لو كان باليد بحركة سريعة لحد مانوصل لهذي النفشة
ونحط السكر الأبيض ناعم الحبيبات و نرجع نخفق لحد مايصير الميرانغ فيه لمعة و قوامه تماسك و زاد نفشته شوي واذا قلبناه ماراح يطيح من القالب
يصير كذا الميرانغ جاهز
ناخذ جزء منه ونحطه على خليط اللوز و السكر و الكاكاو
ونقلب من فوق لتحت بحركه خفيفة دائرية
راح تلاحظون كور من الميرانغ و اللوز ماعليه استمروا مافيه مشاكل
وبعدين ضيفوا الباقي من الميرانغ و قلبوا على نفس الحركة تقريبا 45 قلبه ههههههههه 🙂
كل ماقلبتوا كل ماطلع الماكرونز افضل
وراح يطلع بالنهاية خليط مثل كذا
صبوه بكيس كريمة الكيك
و تكونون مجهزين صينية الخبْز اللي هي حقت الكوكيز
و حاطين طبقتين من ورق الزبدة و لزقوها على الأطراف ممكن بأي مادة دهنية او نفس خليط الماكرون
عشان تحافظون على شكل الدوائر امسكوا الخليط مستقيم مو مايل بهذا الشكل
لأن كذا غلط 🙁
و السبب راح يطلع جزء منتفع و جزء لا القشرة ماراح تصير مستقيمة
و عشان تصير مقاس واحد وانتوا تصبون عدوا 1 2 3 4 5
بضغطه خفيفه مو قوية راح تطلع تقريبا تشبه بعض
و تخلون مسافة تقريبا 3 سم بين كل دائرة
وبعد ماتخلصون من كل الدوائر اضربوا الصينية على سطح صلب كذا ضربة حتى يتساوى سطح الدوائر
واذا فيه مثل الندبات من فوق بللوا اصابعكم بشوي مويه و ساووها
وممكن تعملون هذا الشكل بقطر 8 سم
و حطوها تحت مكيف الهوا مسلط عليها لمدة 35 ل 45 دقيقة
لحد ماتنشف القشرة تماااااام وهذا سر نجاحها
واذا كنتوا في منطقة باردة راح تحتاج لساعة
قبل ماندخل الماكرون للفرن ببربع ساعة نشغل الفرن على درجة حرارة 150 درجة او 300 فهرنهايت
واذا دخلنا الماكرون خفضنا ل 120 او 110 درجة او 250 فهرنهايت
و راح تظل في الفرن من 10 دقايق ل 20 دقيقة بالكثيررر
ويختلف من فرن لفرن ونشرف من تحت اذا جمد او لا
ونطلعه من الفرن ونتركه يبرد ساعة ونص و مانمسك القشرة من فوق ابدا ابدا لحد ماتبرد لأن رقيقة وممكن تتكسر
وعشان نفصل الماكرون عن ورق الزبدة نبلل سطح نظيف بموية دافية ونشيل ورق الزبدة ونحطه عليه لمدة دقيقتين وراح تفصل معانا
وايضا من نجاحها تكون القاعدة نظيفه مسطحة مافيها فراغات
وكذا يكون خلص الماكرونز السهل 🙂
——————————-
الحشوة
الحشوة هنا من اسهل الحشوات بس اهم نقطة انه لازم تكون الشكولاته مفتته حتى لو كانت هيرشي
نفتتها بالسكين حتى يسهل ذوبانها
ونسخن كريمة الخفق حتى تطلع فقاقيع بسرعة نصبها على الشوكولاته و نقلب فيها وندخلها الثلاجة لمدة 10 دقايق تبرد
و نحشي الماكرون وفيها
————————————
ملاحظة:
اذا كان عمل الماكرون لمناسبة يفضل عمل الدوائر قبلها بكم يوم بسبب انه ياخذ وقت في المطبخ و تحطونها داخل علبه بحذر و تتقفل مرا كويس عشان لا تنشف وتصير مثل الصخر
و الحشوة تسوونها في يوم مناسبتكم و السبب انها تنشف لو سويتوها قبلها كم يوم
—————————————
وأي سؤال انا حاضرة 🙂
Comments (86)
القاعده ماتظهرلي مسطحه. ليش؟ 🙁
مافهمتك قصدك على الصورة ولا انتي سويتيه من قبل ؟؟
انا جربت اعمل الماكرون اكتر من 5 مرات وكل مرة تتطلع شكل لحدت ماعرفت السبب ……………. ( الفرررن) ماني عارفة اشغل الحرارة على 120 تح بس ولا كمان اشغل الحرارة من فوق ….. افيدني اذا سمحتي …وشكرن
امشي على نفس خطواتي بالضبط والفرن من تحت وان شاااءالله بيضبط معاكي 🙂
السلام عليكم حصه كيفك ؟!
صراحه انا من زمان خاطري اسوي ماكرونز ويوم شفت وصفتك تحمست مرره
بس عندي سؤال الكوب اللي انتي تستخدمينه اي واحد من الاكواب اقصد الاكراب الحمرا اللي بالصوره قد ايش حجمه يعني
وعليكم السلام و رحمة الله
هلا فيك حبيبتي الأكواب هي نفسها المقاييس الأكواب الموجودة بالسوق بس حقتي مؤ بيضاوية فصايره غريبة عليك شوي
يا حللوة حبيت اسئلك وشلون تحت المكيف يعني لازم مكيف والمكيف هو مكيف الغرفه
ايه مكيف غرفة او مروحة المهم هوا عشان شبه بارد ينشف بسرعة
كثري من وصفات ذا الحلا وياليت تعلمينا وصفات المطاعم لأن المطاعم ذا الوقت كله وسخه مافيه أحلى من أكل البيت وبذات طريقه الحلويات والستيك ….. ياختي مررة شكرا
فيه آكلات تقريبا من المطاعم سويتها اللي هي تكساس فرايز و كاساديا الدجاج
وان شااءالله بنزل ستيكات
نحط صينية الفرن بأي رف ؟ فوق كلش ولا بالوسط ولا تحت 🙂
بالوسط
مع ان الموضوع قديم لكن ممكن تردي علي
لكن ايش تقصدي ب
(ربع كوب سكر ابيض ناعم الحبيبات)
ايش الفرق بين السكر بودره وذا
استخدم كاسترد ؟
السكر البودره هو اللي كأنه نشا وأحيانا يسمونه آيسنق
أما الكاسترد هو نفسه السكر العادي بس ناعم وحباته أصغر عشان يذوب أسرع في الحلويات
وبعض الشركات مكتوب علي تغليفها سكر ناعم الحبيبات أو سكر الحلويات هو اللي استخدميه
السلام ..
لو سمحتي الجزء المتعلق بـ الميرانغ م فهمته!
يعني هو شي نشترية لو كيف ؟
وكريمة الخفق يعني نسوي واحد دريم ويب ولا ؟ ‘(
لا حبيبتي الميرانغ هو بياض بيضة عادية مفصول عن الصفار تخفقينه مع سكر بكذا طريقة يطلع لك خليط لونه ابيض زي الثلج هذا هو الميرانغ
بالنسبة لكريمة الخفق هو عبارة عن كريمة سائلة خاصة للحلويات موجودة في الثلاجات في السوبر ماركت في كراتين تنتجها شركة نادك و غيرها
شكراً =)
عفوا 🙂
احبك بمعنى الكلمة .، اخلااااااق -أدب -طيب
كل شي زين فيك الله يحفظك ويوفقك ما شا الله تبارك الله
بس حبيت اسأل كم حبة تقريبا جت معك
طبعا بعد ما حشيتيهم
حبك ربي وملائكته ياعمري ❤
تقريبا تقريبا من ٢٠ ل ٢٥ حبة مؤ اقل 🙂
السلام عليكم ، عزيزتي بالنسبه لوصفة الماكرون للمبتدئين ابا اسويها بس هل ينفع اشيل االشوكولانه البودره ؟ لاني ابغى الون الخليط و ماابغى طعم الشوكولاته ، لو في بديل له ياريت اعرف
عليكم السلام
الماكرون الوحيد اللي ما يصلح تلغين و تزيدين في المقادير
انا مااضمن لك النتيجه بس ان شاء الله قريب بنزل نكهة غير الشوكولاتة
بانتظر وصفات الماكرون عزبزتي و استمري
امس عملت ماكرون الشوكولاته انبسطت بالنتيجه مع انو كان في حبات كتير مو مضبوطه من ناحية الشكل بس التجربه حلوه ، نفسي ارسلك التطبيق تشوفيه كيف؟ياريت تنزلي وصفه الماكرون الساده قريب من فضلك اتحمست اطبقه ، و ياريت ازا عندك اكاونت ع الانستجرام تكتبيلنا هو 🙂
مررا كويس ترا احيانا مع حرارة الجو تخرب بعض الحبات
هذا اكاونتي في انستقرام @chef_hissa
السلام عليكم
شكراا ع هالوصفه الرائعه
انا سويت الخليط الباودر بس اللوز انا اللي طحنته بالبيت و حطيته مع السكر والكاكاو وخليته ليله كامله
ينفع اكمل اشتغل فيه ولا اللوز بيخرب علي الوصفه؟
غير كذا انا سويت الميرنغ وضبط وكان نافش ومتماسك و لامع و ما ينسكب لما قلبت القالب، بعدين دخلته الثلاجه ولما طلعته حسيته فك شويه فضربته مره ثانيه و اخترب 🙁
ف ايش الخطأ بالضبط لاني خليته بالثلاجه ولا لاني ضربته مره ثانيه
مع العلم انه بياض بيض خالص ما فيه ولا ذرة صفاار
هلا يا قلبي
أولا اللوز ماتحطين معاه الكاكاو من اول ماينطحن لأن اللوز يفرز زيوته حطي سكر عادي يعني شوي مو كثير وخليه ليله لين يجف زيته
أما الطريقه اللي سويتيها مااضمن لك النتيجه ولا شفت شكل الخليط و احكم اذا بيمشي الوضع تمام و لا لا بس بالعاده زيت اللوز يخرب الشغل 😕
ثانيا البيض لما حطيتيه بالثلاجه طبعا غلط مو انا كاتبه في البدايه لازم يكون البيض من ٢٤ ساعه في درجة حرارة الغرفه😉 رجعتيه وبردتيه و هبط مع البرد و الغلط بالاثنين انك دخلتيه الثلاجة و ضربتيه
لو عندك بيض طلعي من الحين حطيه بغرفه مافيها مكيف يمديه يدفا مع الحر خلال ٤ ساعات و الصفار لا ترمينه حطيه بأكياس و بالفريزر استفيدي منه لأي طبخه فيها صفار بعدين 😊
شكرااا ♡
سويت الميرنغ من جديد و الحمدلله نجحت الوصفه مع نفس الخليط الباودر 😀 :-*
ماشاءالله عليك تسسلم يدينك اهم شي ضبطت ❤👍😍
تسلم روحك
الحمدلله والله فررحت من قلبي ♥
سلام الله يسهلك زي ما بتسهلي علينا
انا كوبي ٢٥٠ مل ينفع هالكوب او كوب ويلتون البيضاوي صح كدا
او في هذي المقادير بالجرام نفسها
وايش تنصحيني ابغى اسوي ماكرون بالتمر او حشوة التمر
مشكورة وربنا يسرلك زي ما بتسهليلنا
ايوا هو حق ويلتون البيضاوي كوب القياس
انا حاليا مانزلت غير الشوكولاته حنزل دروس قريب بالفستق و التمر و الورد ان شاء الله
سلام اختي اقدر اسوي ماكرون بدون لوز يعني اضيف شيء بديل اللوز لن عندي حساسيهمنه 🙁
وحبيت اسالج انا ما عندي الخلاط اللي يخلي البيضض ينفش 🙁
انا جرب اسسوي بيدي ما ضبط وتعبت و انا اخفق لحد ما مليت وكبيت اللبيض كله حوالي جرب 5 مرات و 15 بيضه كبيت 🙁
يعني كم اخفق بيدي لحد مايضبط لمدة ساعه 😡 والله جد نفسسي اضبطة 🙁
ويعطيج العافيه ~3
حبيبتي الماكرون أساسه اللوز زي ماالكيك أساسه الدقيق مااتوقع للوز بديل
و البيض تقدرين بيدك بس شكله يطيح نقطة صفار على البياض وانتي مو منتبهه فماينفش معاك 😊
حبيبتي اول شي يعطيج العافيه ، انزين اذا بسويه لـ مناسبه احفظ الدوائر وين برى ولا ب الثلاجه ؟؟
الله يعافيك يا قلبي
تحطينها في علبة و تقفلين عليها اهم شي لا يجيها هوا لأن راح تصير مثل الصخر و خليها بمكان دافئ
و الحشوة في نفس يوم التقديم
اذا دخلت الماكرون للفرن، احط النار من فوق ولا تحت ؟
من تحت بس
بس بدي أسالك من وين بنجيب اللوز المطحون لأنو دورت بالمول بس ما لقيت 🙁
في السوبر ماركت الكبير تلاقي كورنر صغير يبيع مكسرات بالكيلو هناك غالبا يكون موجود
السلام عليكم. بسالج اللوز بعد ما اطحنه لازم اخليه ليلة ولا عادي استخدمه مباشرة؟ وكم مقدار السكرالي اضيفه عليه؟ سؤال ثاني البيض حجمه اكيد يختلف من صغير لكبير ماياثر ع المكرون؟ وشكرا
الأفضل تخلينه فترة لين ينشف زيته مو شرط ليلة و السكر على كمية اللوز في الوصفة حطي ملعقة صغيرة حقت الحلا
و بالنسبة للبيض الحجم الكبير
جربتها ومن اول مرة نجحت
والبيض كنت مطلعته وجت امي ودخلته البراد
ثم طلعت 3 بيضات لمدة ساعه والميرانغ قلبته وما طاح الحممممدلله !
اكثر من روعة .. مشكووورة :*
ياااسلام عليك تسلم ايدك و ان شاء الله دايم تضبط فرحتيني والله 😍👍
السلام عليكم اختي الكريمه
هل اللوز المستخدم فالماكرون محموس ام لا ..
وشكراً 🙂
وعليكم السلام و رحمة الله
لا ياقلبي مو محموس
اهلين اختي حصه انا سويت ماكارون كذا مره ،مره يضبط ومره لا عندي وصفه من كتاب مكتوب ٢٠٠ غرام سكر و ١٢٠ لوز يعني هالوصفه مش مضبوطه انتي تقولين لازمم الكميه متساويه
وغيز كذا انا فرني جينرال الكترك بالفرهنهايت ووضعيته يشتغل من فوق وتحت مع بعض فا ايش اضبط درجة حراره للماكارون افيديني والي يعافيج ومتي بتحطين الماكارون بنكهات ثانيه ؟
هلا فيك ياقلبي
انا اقصد المحترف هو اللي لازم متساوي المقدار
وانا الوصفة اللي حاطتها للمبتدئين سهلة نوعا ما
بالنسبة لفرنك ضبطيه على ٣٠٠ فهرنهايت بعدين وطيه ٢٥٠ فهرنهايت و جربي كم حبه شوفي يضبط معاك او لا
ان شاء الله بنزل الفستق و التوت قريب لأن وقتي ضيق و الماكرون يبيله فضاوة عشان اصور على راحتي كل خطوة 😊
اممم مشكوره حبيبتي والله ماتقصرين وان شاء الله بطبق
وبرسلج الصوره
حياك في اي وقت
جربت وماضبط معاي مجموعه مانتفخو حيل بس شكلهم مرتب بس بدون الفيت والمجموعة الثانيه تشققو من فوق
اجل وطي درجة الحرارة ل ٢٠٠ فهرنهايت وزودي فترة تجفيفها اكثر
كم اخليهم بالفرن طيب اكثر من 20 اذا الحراره 200
نفس المدة اللي انا كاتبتها ولاحظيها اذا نفشت و طلع مثل التاج حولينها
انا بالعاده لما اسوي الميرانق احط ملعقه صغيره كريم تارتار
يختلف حسب استخدامك للميرانغ مؤ كل الطرق تستخدم في كل الوصفات
لحقي عليه 😭
مابعد ماطلع عيني وانا اسويه
ماطلع من تحت زي التاج
وش السبب ؟؟
ماخليتيه ينشف اكثر ؟؟ إذا عندك kik كلميني وارسلي الصور
عندي انستقرام ..
اللحين اسويلك تاق
السلام عليكم
من زمن وأنا ادور الوصفة بمقياس كوب
شكرا جزيلا لكِ شيف حصة ^_^
سأرسل لكِ ردا بالنتيجة بأقرب وقت
ان شاء الله تضبط معك و انتظر منك النتيجة
حبيبتي سويت كل شي وكان في البداية زابط…. بعدين لمن جيت انشفو ممكن خليتو ساعة او اكثر في غرفة باردة مو راضي ينشف… قمت دخلتو الفرن واتبعت نفس الطريقة.. و خليته ل ١٠ دقائق . لمن طلع كان كلو اخراق 🙁 و كان قاسي والفرن كان واطي:( ايش السبب……. وكان نحيف كمان 🙁
جبتي اللوز جاهز ولا طحنتيه ؟؟
اختي انا اسوي الماكرون من فترة
واول مره اسوي شوكولاته
وجربت هذي الطريقة
التاج طلع بس بدون الياقه الي تحت (الحدود الي تحت التاج ) ماطلعوا ؟
ياترى شنو السبب ؟
دام التاج طلع معناه شغلك تمام..
الياقة تختلف اذا كانت الوصفة احترافية بالجرام راح تطلع لأن الشغل فيها دقيق مرا..
انا بعد العيد ان شاء الله راح انزل وصفتين و جربهم ان شاء الله تضبط معك
ان شاء الله ومشكورة ماقصرتي
ونبي حشوات للماكرون 🙂
إيه من ضمن الأشياء اللي بنزلها الحشوات بإذن الله
حياك اخوي
شكرا بس سؤال انا سمعت انو لازم نستخدم ورق نفيس مو زبدة
من وين سمعتي ؟؟
صح وكانت بعض الماكرونات متشققه في التاج وانا خليته يرتاح قريب الساعه
يمكن تكون الرطوبة عالية في الماكرون ! لأن هنا البيض نضيفه حسب العدد مو الوزن فهذا يمكن يأثر كثير في خليط الماكرون
على العموم حاول تستخدم ماكرون مقاديره بالوزن عشان يكون شغلك تمام..
انت جرب الطريقة اللي بنزلها بالتدوينة الجاية ان شاء الله بتضبط معاك
مشكوره عالوصفه سهلتي علينا الطبخ وكل شي واضح فالصور بس حبيت استفسر ما حطيتي فانيليا فالوصفه كيف راحت ريحة البيض ؟
هلا حبيبتي..
ماراح تطلع ريحة البيض في الماكرون مو لازم فانيليا
صباح الجوووري ..لوو سمحتي يا اختي الماكرون مايتحمر من فووق يعني بس نشغل عليه النار من تحت وإذا انتهى نطلعه ولا نرجع كمان نشغل عليه من فووق ..
ومشكوووره ع الاسلووب والشرح الأكثر من راائع ..
صباح النور..
لا حبيبتي مايتحمر بس حرارة من تحت
سلام حبيبتي
ارجوكي كوب يعني كم بالجرام
https://www.dropbox.com/s/p3ainz730pak77w/1420287630157.jpg?dl=0
يطلع لي هالشكل التاج عريض ومو مرتب ؟ما بعرف شو السبب
خليط الماكرون تحسينة ثقيل مرا ؟ انا شايفة اللي تحت تمام مافيه مشاكل بس اللي فوق متكتل شوي..وصفتك بالجرام و لا الأكواب ؟
اوزنه بالجرام
وانخل اللوز والسكر قبل
يمكن لاني ما احركها زين
ويمكن تجف اكثر من اللازم مثل ما قلتي في الاخطاء
ايه حاولي لا يكون فيه كتل بس ماشاء الله شغلك تمام و التاج كويس
يااااااااا سلام على الجمال – تسلم يداكى يااااااارب
مرحباً من فضلك حبيت مقادير بالغرامات لان ما عندي أكواب من فضلكم ساعدوني
بنفس الموقع في قسم الدروس موجود وصفة الماكرون بالغرامات
طلع معايا مره سايل ، وفالفرن ماطلعلو ياقه
كتير زعلني ايش المشكله😢💔
بسبب البيض كميته كثيره لأن لو صار بالجرام بيكون افضل