شوربات

شوربة الفطر

 

IMG_4266

 

المقادير:

كوب ونص  فطر طازج مقطع شرائح 

بصل ابيض متوسط الحجم مقطع مربعات صغيرة

فص ثوم

كوب حليب

نص كوب كريمة 

نص كوب دقيق ابيض

مكعب مرق دجاج  قليل الملح – ماجي

لتر مويه حارة

2 م ك جبنة بارميزان

م ص اوريغانو

م ص ملح و فلفل أسود

م ك زبدة 

م ص زيت زيتون

—————————————–

في قدر نحمس البصل و الثوم مع الزبدة و الزيت زيتون لحد مايذبل بعدين نضيف المشروم المقطع

ونقلب فيهم لحد مايصير المشروم لونه بني بعدين نشيل من الحمسة مقدار نص كوب ونخليه على جنب 

في لتر المويه الحاره نذوب مكعب مرق الدجاج ونصبه على القدر و نغطيه ونتركه لمدة 20 دقيقة

ملاحظة :

اذا ماكان مرق الدجاج اللي عندكم قليل الملح افضل ماتضيفون الملح او ضيفوه حسب درجة الملوحه اللي ترغبونها 

بعدين نحطه في الخلاط ونخلطه و نرجعه نفس القدر

بالنسبة لدرجة الخلط حسب الرغبة اذا تبغون خلط كامل لين ماتبان قطع الفطر 

او تخلطونه نص خلطه بالتدريج تبان قطع الفطر

هذا يرجع لذوقكم

في هذي  الوصفة خلطتها خلط  كامل

بعد مانرجعه للقدر نضيف باقي المقادير 

الحليب – الكريمة – البارميزان – الملح و الفلفل أسود – الأوريغانو

ونقلب لحد ماتندمج المقادير مع بعض 

و الدقيق قبل مانضيفه ننخله عشان مايتكتل داخل الشوربة وآخر شي الفطر اللي طلعناه بالبداية و نخليه على نار هادية لمدة 6 دقايق

ممكن يقدم مع فطر بالزبدة و البقدونس الطازج  فوق الشوربة

فطر بالزبدة:

نسيح الزبدة و نضيف شرائح الفطر مع شوية ملح فلفل أسود و اوريغانو نقلب لحد مايصير لونها بني وتذبل ونضيفها آخر شي للزينه

 

Write a comment