أطباق رئيسية متنوعة بحريات

مربين الربيان

IMG_3270

 

طبعا بما أن هذا الطبق مو معتاد في السعودية وانا عرفته من أهل الكويت 

ورحت و دورت على كذا وصفة ومن شيف كويتيين و شفت طريقتها الأساسية 

فأقدمها على ذوقي و طريقتي الخاصة هنا  🙂

 

المقادير :

نص كيلو ربيان مقشر و منظف – ممكن أقل حسب الكمية اللي حتقدم

كاس ونص رز منقوع

نص رزمة شبت

نص رزمة كزبرة

بصلة متوسطة  مفروم

م ص ثوم مهروس

بهارات السمك

قرفة – كمون – كركم 

ملح – فلفل أسود

———————————————–

نأخذ نص الربيان المقشر و نسلقه لمده  8 دقايق 

بعدين بفرامة الخضار نحط الربيان ونشغلها على دفعات بس مجرد تفرم لقطع صغيرة وليس فرم كلي

بنفس القدر اللي حنطبخ فيه الرز

نحمس نص كمية البصل بزيت زيتون وبعدين نضيف الربيان المفروم 

والبهارات نحط م ص لكل من : بهارات السمك – القرفة -الكمون – الهيل

م ص و نص كركم

ونقلب فيهم وبعدين نحط نص كمية الشبت و الكزبرة المفرومين 

وبعد مانخلص من التقليب نضيف الرز ونقلب بالخلطة لحد مايندمج مع بعض

ونضيف الملح وكميتها حسب الذوق 

ونصب موية لسلق الرز مع الخلطة لمدة 20 دقيقة تقريبا

———————————————-

في خلال هذه الفترة نسوي الخلطة اللي فوق الرز

نحمس بصل و ثوم بزيت زيتون 

بعدين النص الباقي من الربيان الغير مسلوق و المفروم و نقلب ونضيف البهارات

م ص لكل من بهارات السمك – القرفة – كمون 

م ص ونص كركم

م ص ملح و فلفل أسود

ونضيف الشبت و الكزبرة المفرومين و نضيف موية شوي اذا نشفت الخلطة 

و لا نطول في حمستها عشان الربيان مايبغاله طبخ كثير وينشف

بعد مايخلص الرز نحطه في صحن التقديم و الخلطة الأخيرة فوقها أو على الجوانب  🙂

Write a comment