مساء الخير
السلطة هذي كانت إدمان الفترة الأخيرة مع ان مقاديرها سهله و بسيطة بس لأنها نكهة مكسيكانيه عشقتها:P
المقادير موجودة في كل بيت الا اذا غيرتوا في الماركة المفضلة للشيدر لأني استخدمت النوع اللي بالكيلو
و اضفت مع السلطة قطع من خبز التورتيا مقليه تعطي طعم كرنشي، واللي مايفضل القلي يقدر يحمصها بالفرن تقريبا نفس النتيجة
و بالنسبة لكمية زيت الزيتون استخدمت ثلث كوب حتى يسهل معاي تكوّن الفينيغريت بشكل ممتاز، لان كمية السلطة تكفي ل ٥ اشخاص فلا تخافون من الكمية واذا كان لأقل تقدرون تحفظون الباقي بالثلاجة و قبل الاستخدام ترج العلبة بقوة و بسرعة حتى ترجع المقادير تتجانس مع بعض
—
المقادير
١ معلب فاصوليا حمرا
٢ طماطم متوسطة الحجم منزوعة البذور و مقطعة جوانح
١٠٠ جرام جبنة شيدر مقطعة مكعبات صغيرة او مبشورة
اي نوع خس تفضلونه
مقادير الفينيغريت
المقياس المستخدم هو الخاص بالمواد السائلة
ثلث كوب زيت زيتون
ربع كوب عصير ليمون اصفر
م ص كزبرة ناشفة مطحونه
نص م ص كمون
ربع م ص فلفل احمر بودرة
نص م ص ملح
———————————–
نحمص البهارات على مقلا ناشفة لين تطلع ريحتها بعدين نصب الزيت زيتون عليها و نخليه لمدة نص دقيقة ونطفي النار و نتركه يبرد
الخلاط اليدوي او في الطاحونة نصب عصير الليمون ونضيف الملح و نشغل الخلاط ونصب خلطة زيت الزيتون و البهارات ببطء لين يتكون عندنا مستحلب
نحفظ الفينيغريت في الثلاجة ليلة كاملة او قبل التقديم بفترة
و الفاصوليا الحمرا تنحط في صفاية و تغسل من المادة المحفوظة ، يصير وقت التقديم نخلط الطماطم و الفاصوليا و الخس مع الفينيغريت و الطبقة الثانية جبنة شيدر و التورتيا المحمصة من فوق
و بالعافية 🙂
Comments (3)
شكلها خطيرة مع انها بسيطه
اي و فيها كلها العناصر الغذائيه جربيها و بتعجبك ان شاءالله
شكلها خطيرة مع انها بسيطه