التشاودر نوع من الشوربات الغليظة في قوامها مع قطع واضحة من الخضروات غالبا بطاطس او ذره ، غليظة يعني زي قوام المرق او اليخنات ، وهي اساسا تكون من السي فود، كراب او سمك مثل السالمون

المقادير:

٢ بطاطس كبير الحجم مقطع مكعبات متوسطة 

١ كوب ذره

١ بصل متوسط الحجم مقطع تقطيع صغير و ناعم

٢ عود كرفس مقشر و مقطع نفس حجم البصل – الكرفس اختياري

٧٠٠ مللتر مرق خضار او دجاج

٣٠٠ مللتر حليب ساخن

٥٠ مل كريمة الطبخ

١ ونص م ك دقيق ابيض

١ م ك زبدة

ثلث كوب بقدونس مفروم ناعم

الخبز المحمص:

من ٤ ل ٥ شرايح توست ابيض

ربع كوب جبن بارميزان مبشور

م ص اوريغانو ناشف

نص م ص ملح

——

نحمس البصل و الكرفس مع الزبدة لين يذبل نضيف الدقيق و نقلب لين يصير بني فاتح او اشقر، وفيه طريقتين لخطوة الرو (حمس الدقيق مع الدهن) اما نحمس الدقيق و الزبدة بقدر لحال  و نضيفها على الشوربة وقت اضافة المرق او نفس مابدأت انا نطبخ البصل مع الزبدة و نضيف الدقيق بعدين

بعد ماتكوّن الرو او  صار الدقيق اشقر نصب المرق شوي شوي و التقليب بالوسك او الخفاقة اليدوية (لازم المرق يكون ساخن عشان لا يتبخر مع حرارة القدر)  ونترك المرق يغلي  نضيف قطع البطاطس و بعدين الحليب و الكريمة

و نخليه يطبخ لين يستوي البطاطس  وآخر شي الذره و البقدونس و الملح 

طريقة الخبز المحمص

نقطع الخبز لمكعبات صغيرة

نرش الخبز بالزيت زيتون وبعدين باقي المقادير عشان تمسك في فيه

و ندخله الفرن على درجة حرارة ٢٠٠  لمدة ١٠ دقايق من فوق و تحت لين يتحمص و الأفضل تراقبونه لأن الوقت يختلف من فرن للثاني

و بالعافية 🙂