مساء الخير

السوبا نودلز هي سوبا مصنوعة من دقيق الحنطة السوداء و هي من اشهر النودلز في الكويزين الياباني ، و طعمها قريب من المكسرات و بعضها يكون لونه اخضر لأنه مضاف له ماتشا (شاي اخضر) و تعتبر من افضل الأنواع اللي ممكن تقدم باردة

انا قد سويت السلطة من قبل اكثر من مرا وكنت اجرب كذا صوص معاها، جربت مرا بزيت السمسم للأمانه ماحبيته نهائيا النكهة قوية و طاغية على باقي المقادير

وهذي السلطة هي من انواع السلطات الدافية يعني ماتنحط بالثلاجة لوقت التقديم

و هي اقرب للصحيه وحتى الدريسنق خفيف و يعزز طعم باقي المقادير، اساسه عصير برتقال بس ابدا مو واضح او طاغي مثل ماسوا معاي زيت السمسم :/

المقادير تكفي لشخصين

المقادير:

١ سالمون فيليه من غير جلد مقطع مكعبات صغيرة

١ كوب كرنب بنفسجي مبشور او مقطع شرايح نحيفة

نص جزر مقطع جوليان يعني عيدان نحيفة او ابشروه بشر كبير

نص حزمة نودلز سوبا

الدريسنق:

كوب عصير برتقال

نص م ص بشر برتقال يعني من حبه وحده

م ك صلصة محار

م ص صوي صوص

م ص خل ارز او خل ابيض

م ص سكر

نص م ص ملح

سمسم اسود و ابيض محمص و كزبرة للتزيين

ملاحظة:

ممكن اضافة  م ص زنجبيل رطب مع الصوص حسب الرغبة

———————————–

نخلط مقادير الدرينسق مع بعض في صحن ونخليه على جنب

نطبخ النودلز لمدة ٨ دقايق تقريبا و نغسله بمويه عشان لا يلزق ببعض و نضيفه على باقي المقادير من غير السالمون

ننثر الملح و الفلفل الأسود على كل الجهتين

و نطبخهم على مقلا غير قابلة للالتصاق بشوي زيت و على كل جهة  يطبخ دقيقة لأن حجهم صغار ماياخذون وقت

و آخر شي نصب الدريسنق في المقلا و نخليه يطبخ مع السالمون لمدة دقيقتين

نطفي النار ونترك الصوص مع السالمون لين يدفى و نصبه بعدين على باقي المقادير و نخلط

احيانا ممكن ينقصه ملح زيدوا شوي لين يضبط الطعم

و نحط النودلز في صحن التقديم و فوقه السالمون و باقي الصوص و السمسم و الكزبرة

و بالعافيه