دروس الخَبْز

Challah – خبز خالا

Photo 5-6-16, 10 05 12 PM (1)

يا اهلا و سهلا

خبز خالا او هالا هو عبارة عن خبز ابيض معزز طعمه بالبيض يعني مثل البريوش اللي بالزبدة، و يتشكل زي الظفيرة بطرق مختلفة و احيانا ظفيرة دائريه، انا قد جربته في مخابز اوروبا و و قوامه قريب من البريوش حتى لدرجة مافرقت في الطعم بس البريوش اخف بشوي

Photo 5-6-16, 9 52 19 PM

اشتغلت على وصفة الخبز بجهدي الشخصي و السبب أن جتني بعض التطبيقات على خبز البريوش انها ماضبطت معاهم لأنهم استخدموا المقادير بالأكواب، انا هنا مافكرت حتى اني احولها لكم للأكواب عشان اكون مسؤولة مسؤولية كاملة عن الطريقة وماابي اضيع وقتي و وقتكم و آخر شي مايضبط معاكم

دام ان الوصفة فيها بيض فلازم استخدم معاكم الميزان حتى اعطيكم كمية البيض بشكل دقيق لأن حجم كل بيضة مختلف عن الثانية مستحيل كل البيض حجم واحد وبالعادة يعطون حجم تقريبي لها في مواقع و كتب الطبخ

Photo 5-7-16, 1 33 34 PM

الوصفة سهلة جدا بس التزموا بالمقادير بالضبط و بإذن الله راح تشوفون نتيجة ممتازة و خبز لذيذ

———————

المقادير

٥٠٠ جرام دقيق ابيض

٥٠ جرام زيت

٥٠ جرام سكر ابيض

١٢٥ جرام بيض بدرجة حرارة الغرفة

١٥٠ مل موية بدرجة حرارة الغرفة

٧ غرام خميرة فورية

١٠ جرام ملح بحري ثم يطحن بالهاون

او ٥ جرام ملح عادي

—————————-

في العجانة نخلط الموية مع الخميرة و  م ص سكر لين تذوب بعدين نتركها ٥ دقايق 

Photo ٣‏-٥‏-٢٠١٦، ٢ ٤٨ ٢١ م

 نصب الزيت و البيض على دفعات لين تندمج المقادير مع بعض

Photo ٣‏-٥‏-٢٠١٦، ٣ ٠٠ ٣٨ م

نضيف السكر و الملح و نخلط لين يذوبون

نضيف الدقيق و نعجن لمدة ١٠ دقايق بالعجانة بعدين نشيل العجينة  ونكورها في صحن كبير و ندهن الصحن بشوي دهن و نتركها حتى تتضاعف حجمها تقريبا ساعة

بالنسبة لتشكيل الظفيرة يعتمد حسب الشكل اللي تفضلونه انا مرا سويت ظفيرة من ٦ اجزاء لأن كانت كمية الدقيق كبيرة و هذي المرا سويت من ٤ اجزاء

في اليوتيوب اشكال و ألوان بس انا راح اشرح لكم البداية و احط لكم اسهل فيديو شفته

نقسم العجينة لأربع اجزاء بهذا الشكل

Photo ٦‏-٥‏-٢٠١٦، ٤ ٤١ ٤٨ م

ونضغط ضغطة خفيفة و نلفه بخفه برضو لين يصير اسطواني

Photo ٦‏-٥‏-٢٠١٦، ٤ ٤٢ ١٦ م

Photo ٦‏-٥‏-٢٠١٦، ٤ ٤٢ ٣٩ م

نحرك بالإيدين مثل الرول قدام و خلف لين يوصل لطول ١٢ انش

Photo ٦‏-٥‏-٢٠١٦، ٤ ٤٤ ١٣ م

و نطبقها على الأجزاء كلها و نسوي الظفيرة مثل طريقة الفيديو

و ننقل الظفيرة لصينية الخبز عليها ورق زبدة و مرشوش شوي دقيق

Photo ٦‏-٥‏-٢٠١٦، ٥ ٠١ ٢٦ م

و ندهن الظفيرة بالبيض باعتدال و بفرشة صغيرة عشان لايدخل البيض في الحواف و يلزق العجين ببعض

Photo ٦‏-٥‏-٢٠١٦، ٥ ٠٤ ١٥ م

و ندهنها بكل مكان و نتركها تتخمر لمدة من ساعة ونص لساعتين واهم شي مغطينها بقماش قطني كبير و وسيع لأن راح تتضاعف حجمها

Photo ٦‏-٥‏-٢٠١٦، ٥ ٠٤ ٢٣ م

و بهذي الفترة نشغل الفرن على درجة حرارة ٢٠٠ 

و بعد مايتضاعف الحجم ندهن العجينة مرا ثانية بالبيض و ندخلها الفرن لحد ماتتحمر من تحت و من فوق

بالعادة ماياخذ وقت بالكثير ٢٥ دقيقة

و نترك الخبز لين يبرد تماما لمدة ساعتين قبل الأكل و بالعافية

 

Comments (4)

  • لذييذ مرا جربت وصفات من شيفز اجانب بس هذي كانت ألذ مرا شكراً..

    Reply
    • بألف عافيه ندى <3

      Reply
  • لذيذ مررررة سويته اليوم ورشيت فوقه سمسم وحبوب الخشخاش واول مرة اسوي خبز ويخلص بسرعه وبالعكس انا اشوفه اخف بواجد من خبز البريوش ولا يغث

    Reply
    • بالعافية عليك يارب

      Reply

Write a comment