Featured سلطات

سلطة الدجاج المشوي

Photo 10-4-15, 2 21 09 PM

مساء الخير

في تدوينة سلطة الزهره المشويه تكلمت عن كيف نطور من وصفات السلطات حسب الطعم اللي نبي نوصل له، اقرأوا بداية التدوينة عشان تفهمون اكثر

هنا

نفس النظام مشيت عليه في هذي السلطة مقادير بسيطة طورتها لطعم متوسطي او 

Mediterranean 

و طعم الدريسنق او الصلصة مناسب جدا للمقادير او الكويزين اللي سويت منه المقادير..و الصلصة تنحفظ في الثلاجة كم يوم لو بقي منها

الدجاج المشوي قريب لشكل الشيش طاووق حجمه صغير في الأسياخ  و تقدرون تقدمونه من غير اسياخ..خبز البيتا شويته بنفس الغريل اللي شويت فيه الدجاج عشان ياخذ الطعم و يزيد نكهة السلطة اكثر..

المقادير:

2 صدور دجاج مقطع مكعبات صغيرة تقريبا ربع اصبع

2 طماطم منزوع البذور مقطع جوانح رفيعه

ثلثي كوب زيتون حلقات

1 بصل مقطع جوانح رفيعة جدا

نص راس خس مقطع حسب الشكل اللي تبونه

1 فجل صغير مبشور بشكل عرضي

نص كوب جبنة فيتا مقطع مكعبات صغيرة

تتبيلة الدجاج:

علبة زبادي حجم ١٧٠ مل

م ك اكليل الجبل فرش او م ص اكليل الجبل ناشف

2 فص ثوم مهروس

نص م ص بشر ليمون

م ك عصير ليمون

م ص ملح

صلصة الخل الكريمية (كريمي فينيغريت

ثلث كوب زيت زيتون بكر

3 م ك خل ابيض

نص م ص مسترد

3 م ك زبادي

م ك بقدونس و نعناع مفروم ناعم

—————————————

اول شي بعلمكم على طريقة كيف نخفف من مرارة و حدّة طعم البصل..

ننقع البصل ب 2 كوب موية و ملعقتين كبيرة خل و نتركه بالثلاجة ليلة كاملة او قبل التقديم بكم ساعة

IMG_8611

نخلط التتبيلة و نضيفها على قطع الدجاج ونتركها تتبل ساعة قبل الشوي

 نحط قطع الدجاج في الأسياخ و نشوي على حرارة متوسطة دقيقتين عالجهتين..

طريقة الصلصة

 اول شي في الخلاط نحط الخل و المسترد و نشغل الخلاط و نصب الزيت زيتون شوي شوي لين يتكون عندنا مستحلب

IMG_8614

بعدين نضيف الزبادي و نخلط لين يتجانس و آخر شي الأعشاب بس بالملعقة نقلب مو بالخلاط و نحفظه بالثلاجة لوقت التقديم..

بعد ماخلصنا كل شي نشيل البصل من الموية المنقوع فيها و نقلب كل المقادير مع بعض ماعدا الجبن و الدجاج و نصب من الصلصة فوق المقادير ونقلب و من فوق نحط جبنة فيتا و أسياخ الدجاج او من غير اسياخ..

و بالعافية

Comments (0)

  • ماشاءالله انتي ملهمه وذوقك عالي جداً في الطبخ ماعمري قريت في مدونتك شي ومايجيني ذاك الحماس اسوي اكل بمزاج 😍 ذوقك نخبوي👌💕😍

    Reply
    • حبيبتي كلامك أسعدني والله و يارب كل الأطباق تعجبك 😍

      Reply

Write a comment