نوعين خبز بالتابيناد، و زعتر مع جبنة قشقوان

أهلن و سهلن شخباااركم كيف كانت إجازتكم؟؟

وقفت عن التدوين هالفترة لأني كنت مشغولة و مرتبطة بمناسبات و رجعت بشي سسهل و على كيفكم! انا صرت اصحى بدري و احيانا مع صلاة الفجر و ماعاد يجيني النوم ، ف ودّي إني ألقى فطور لذيذ و جاهز و مايحتاج اطبخ،

السالفة مو كسل هههههه بس مو كل يوم راح يكون مودي طبخ على الفطور و فكرت بشي يقعد كم يوم من غير مايخرب

هالخبز يمكن شكله مو واضح مرا لأني تحمست و قطعته و نسيت ان السالفة وراها تصوير و الشكل كامل موجود بالخطوات

العجينة نلفها رول و نقطعها من الوسط و نلفها مثل الظفيره، و الحشوات على كيفكم تفننوا ! مع بيستو الريحان رهيب..أو أجبان مختلفة أو أي شي جا على بالكم ألحين استبدلوه..

انا اضفت التابيناد (الزيتون المهروس) و الزعتر..لو حشيتوه زعتر لا تنسون تاكلونه مع اللبنة على الجنب لذيييذ مرا

المقادير:

العجينة

3 أكواب دقيق أبيض

2 م ص خميره

م ك سكر

م ص ملح

م ك زيت زيتون

م ص اوريغانو مجفف

ثلاث أرباع كوب مويه دافية

الحشوات:

3 م ك تابيناد و طريقتها

هنا

3 م ك زعتر مع م ك زيت زيتون اخلطوهم مع بعض لين تتكون خلطة مثل المعجون

كوب جبنة قشقوان مبشورة

——————–

العجينة

نخلط المواد الجافة مع بعض و نصب الزيت زيتون و المويه و نعجن لين تتكون عجينة ناعمة و طرية و تلزق شي بسيط باليد، نصب شوي زيت في صحن و نحط العجينة و نغطيها و نتركها يتضاعف حجمها..

نسخن الفرن على درجة حرارة 200 سيليزيوس

نقسم العجينة لجزئين..نشتغل على جزء و الجزء الثاني نغطيه لين نخلص عشان لا تنشف العجينة..

نفرد العجينة على شكل مستطيل و السمْك ربع إنش و ندهنها بالحشوة